عزيزى المواطن بتاع النضال يا راكب دماغك و غاوي الحلال نصيحة يا صاحبي بلاش الخيال و غمض عيونك و ربِّي العيال بلاش المناكفة و لايم و عيش هتتعب معانا و سهمك يطيش نلفق لأهلك قضية حشيش و تصبح حكاية و نكتة و مثال تعالى و هاودنا و عدي الأمور و عيش فى الطراوة و خش الطابور لكن لو هتزعل و دمك يفور هتصبح حرامي هتصبح أمير هتصبح حرامي و ندل و أجير و نقدر نلخبط فى أصلك كتيير هنحلف بإن الحبايب شافوك بتقبض يا خاين و تقتل أخوك ساعتها مراتك هتلعن أبوك مالكش أنت دعوة بكل اللي ضاع و مين اللى شاري و مين اللي باع فحب الحكومة و حب السلام و علم ولادك يشدوا الحزام علشان بكرة هياكلو حمام فلازم يا صاحبى تغمض عنيك و طنش علينا نطنش عليك و إياك تشاور.. نقطع أيديك عزيزى المواطن بتاع النضال يا راكب دماغك و غاوى الحلال نصيحة يا صاحبى بلاش الخيال
.
.
السبت, 13 ربيع الأول, 1428
رسالة من الحكومة لابنها المواطن
هنشهد نهايتك فى بحر الرمال
***
و جدك شحاتة هيصبح شحال
***
و تلطم و تنعي أحط الرجال
***
و مين اللي كيل و مين اللي شال
***
و ينسوا الأسية و ينسوا الهزال
***
و تصبح مواطن ما يسواش ريال
***
أضف تعليقا
أضف تعليقا
<<الصفحة الرئيسية
.
.
